hamas rehbiri ismail heniyye golan töpiliki heqqide bayanat élan qildi
hamas siyasiy byurosi bashliqi ismail heniyye amérikining golan töpilikini "israiliyening zémini" dep étirap qilish qararining musulmanlar teripidin qetiy qobul qilinmaydighanliqini bildüri.
türkiye awazi radiyosi xewiri: hamas siyasiy byurosi bashliqi heniye élan qilghan yazma bayanatida, amérikining qararigha naraziliq bildürdi. amérikining ishghaliyet astidiki golan töpilikige dair qararigha qarshi ikenlikini tekitlep, «amérikining bu xil qararliri erebler we musulmanlar teripidin qetiy qobul qilinmaydu» dédi.
heniyye israiliyening ghezzege qilghan hujumlirighimu naraziliq bildürüp, israiliye urush ayropilanliri düshenbe küni ghezzede hujum nishani qilghan hamas herbiy bazisining qaytidin yasilidighanliqini uqturdi.
donald tramning golan töpilikini israiliyening zémini süpitide étirap qilish qarari xelqara jamaetchilik arisidimu naraziliq qozghashni dawamlashturmaqta.
birleshken döletler teshkilati, yawropa ittipaqi, türkiye, engliye, rusiye, kanada, ereb birliki qatarliq nurghunlighan dölet we xelqaraliq organlar amérika hökümitining öz béshimchliiq bilen chiqarghan qararini qobul qilmaydighanliqlirini élan qilghan idi.
israiliye süriye zémini hésablinidighan golan töpilikini 1967 – yilidin buyan ishghaliyiti astida tutup kelmekte.
