engliyede islam dini heqqide ders bérilidighan bir mektep hujumgha uchridi
engliyede islam dini heqqide ders ötilidighan bir mektepke qilinghan hujumda, mektepning deriziliri chéqiwétildi, quran kerim yirtip tashlandi.
türkiye awazi radiyosi xewiri: mektep mesuli imam abdulmuhid, döletning sherqiy shimaliy qismigha jaylashqan niyukastél behr akadémiyeside düshenbe küni yüz bergen hujumdin kéyin, saqchilar bilen birlikte mektepning mesjidige kirgenliklirini we mektepning ichide 18 yashtin kichik 6 balini körgenliklirini, hemmila yerge köydürgüch buyumlarning tökülgenlikini tekitlep mundaq dédi: «biz ot apiti yüz bergenlikige shahit bolmiduq, lékin, bir gilemning köyüp ketkenlikini körduq, goya ular mesjidning ichidiki hemme nersini köydürüwétishke teyyarliniwatqandek qilatti, özara < musulman térrorchilar> heqqide parangliship, iriqchiliq tüsini alghan chaqchaqlarni qiliwatatti. neq meydangha yétip barghan tunji türkümdiki saqchilarning sani yéterlik bolmighanliqi üchün 6 gumandar qéchip ketti, lékin ular seyshenbe küni tutuldi, mektipimiz yéqinqi 3 ay ichide 4 qétim hujumgha uchridi. engliyening shimaligha jaylashqan mektipimiz, islam dinigha ait dersler ötilidighan birdinbir mektep bolup, kelgüside téximu éghir hujumlarning yüz bérishidin qattiq endishe qiliwatimiz.»
mezkur mektepke yanwar éyida qilinghan hujumda, mektepning tamlirigha iriqchiliq tüsini alghan resimler sizip qoyulghanidi.
resmiy melumatlargha qarighanda, engliyede yüz bériwatqan iriqchiliq we islam düshmenliki hujumliri, 15 – martta yéngi zélandiyede yüz bergen térrorluq hujumidin kéyin közge körünerlik derijide köpiyip ketken.
engliyediki islam düshmenliki hujumlirini közitiwatqan hökümetke qarashliq télmama teshkilatining melumatlirigha qarighanda, dölette, yéngi zélandiyediki térrorluq hujumliridin kéyin musulmanlar nishan qilinghan hujumlar texminen % 600 éship ketken.
