péns nasadin aygha adem chiqirish üchün qattiq kücheshni telep qildi
amérika muawin pirézidénti mayk péns amérika astronomlirining besh yil ichide aygha chiqirilishini chaqiriq qildi.
türkiye awazi radiyosi xewiri: amérika döletlik alem kéngishiningmu bashliqi bolghan muawin pirézidént mayk péns kéngeshning xantswil (Huntsville) da échilghan yighini jeryanida, amérika awiyatsiye we alem idarisi-nasa (NASA) ning ishlarning süritini tézleshtürüp, astronomlarni 2024-yilighiche ayning jenubiy qutubigha chiqirishi kéreklikini éytti.
u nasaning bu wezipe üchün barliq imkaniyetlerdin paydilinishigha éhtiyajliq ikenlikini bildürüp, zörür tépilsa nasa rakétaliri we mashinilirining ornigha, xususiy shirketler yasighan eslihelerni ishletse bolidighanliqini eskertti.
u: «hazir tirishchanliqlirimizni ikki hesse ashurushning waqti. bu bolushi mumkin, biraq téximu yaxshi tirishmisaq qetiy bolmaydu» dédi.
nasaning bashliqi jim bridénstin (Jim Bridenstine) 2024-yilighiche aygha astronom chiqirish üchün qolidighan barliq tirishchanliqlarni körsitidighanliqlirini, buning üchün méga (mega) rakétalirigha éhtiyajliq ikenliklirini bildürdi.
mutexessisler ilgiri 2028-yildin burun aygha astronom chiqirishning mumkin bolmaydighanliqini élan qilghan nasaning, 2024-yilighiche buningda muweppeqiyet qazinidighanliqini élan qilishigha guman bilen qarimaqta.
bu yil (2019) ning yaz éyida amérikaning aygha adem chiqarghanliqigha 50 yil toshidu. apollo astronomliri 1972-yili aygha qedem basqandin kéyin, héchbir dölet yersharining hemrahi hésablinidighan aygha adem chiqirishqa muweppeq bolalmighan idi. eyni waqitta, nasa aygha astronom chiqirish üchün barliq xizmetlerni tamamlashqa sekkiz yil serp qilghan idi.
