firansiyede sériq jilitkilikler yene namayish ötküzdi
sériq jilitkilikler pirézidént émmanuél makron hökümitining siyasitige naraziliq bildürüsh üchün yene namayish ötküzdi.
türkiye awazi radiyosi xewiri: firansiyede sériq jilitkilikler pirézidént émmanuél makron hökümitining siyasitige naraziliq bildürüsh üchün yene namayish ötküzdi.
firansiye saqchiliri sériq jilitkiliklerning paytext parizhdiki kemps-éliysés kochisi we bordiyuks, tolus, marsilya, nays we roen bolup nurghun sheherning merkezliride namayish ötküzüshige ruxset qilmidi.
bir qisim sériq jilitkilikler parizhdiki éyfil tömür munarining aldiki trokadéro meydanigha yighilghan bolsa, yüzlerche namayishchi dénfért-rochériyu meydanidin montmartrégha qarap mangdi.
saqchilar paytexttiki namayishlarda 51 ademning nazaret astigha élinghanliqini bildürdi.
parizh saqchi idarisi kemps-éliysés kochisida namayish ötküzmekchi bolghan 29 kishige jerimane qoydi.
parizh saqchi idarisi bashliqi didiyir lelément, jiddiy weqelerge taqabil turush meqsitide alahide saqchi heriket qismi teshkil qilinghanliqini bildürdi.
parizhdiki namayishlarda saqchilardin sirt, bezi rayonlarning bixeterliki we jemiyet tertipini saqlash üchün yene nurghun eskerning wezipe ötigenliki eskertildi.
nays shehiride namayish ötküzüsh cheklengen bolsimu, sériq jilitkilikler yene namayish ötküzdi.
namayishta saqchilar bilen namayishchilar otturisida jédel chiqti we 20 namayishchi tutqun qilindi.
