engliye yawropa ittipaqidin chékinish waqtini qobul qildi
yawropa ittipaqi kéngishining bashliqi donald tusk engliye bash weziri tirésa méyning engliyening yawropa ittipaqidin chékinish waqtini qobul qilghanliqini bildürdi.
türkiye awazi radiyosi xewiri: yawropa ittipaqi kéngishining bashliqi donald tusk yawropa ittipaqi komitéti bashliqi zhan klawud jangkér bilen birlikte bélgiye paytexti biryussélda échilghan yawropa ittipaqi rehberler yighinigha qatnashti we muxbirlarning soallirigha jawab berdi.
donald tusk yawropa ittipaqining engliyening chékinishini, eger kéler hepte engliye parlaméntida awazgha qoyulsa, 22-maygha, undaq bolmighanda 12-aprélghiche kéchiktürülginini xatiriletti.
u engliye hökümitining hazirmu kélishimge asasen yaki kélishimsiz chékinish we yaki yawropa ittipaqidin chékinishtin waz kéchishtin ibaret tallash yollirigha ige ikenlikini eskertip, 12-aprélni engliyening yawropa parlaménti saylamlirigha qatniship-qatnashmaydighanliqi toghrisida qarar chiqirishi nuqtisidin muhim bir kün ikenlikini qeyt qildi.
u: «xushalliq bilen shuni démekchimenki, engliye bash weziri tirésa méy bilen yéngi chékinish waqti mesiliside kélishim hasil qilduq» dédi.
yawropa ittipaqi komitéti bashliqi zhan klawud jangkér: «yawropa ittipaqi bolush süpitimiz bilen her éhtimalgha qarshi teyyarmiz, kélishimsiz chékinishkimu teyyarmiz, kélishimsiz chékinishke qarita tedbirler élindi, xizmetlirimiz dawamlishiwatidu. kélishimsiz chékinish peyda qilishi mumkin bolghan awiyatsiye, qatnash, puqraliq heq-hoquqliri we béliqchiliq qatarliq sahelerde 19 maddini qobul qilduq» dédi.
engliye bash weziri tirésa méymu biryussélda axbarat élan qilish yighini ötküzüp, yawropa ittipaqidin chékinishni emelge ashurush üchün «her türlük tirishchanliqlarni körsitidighanliqi» ni bildürdi.
yawropa ittipaqi bilen chiqirilghan qararning, kéler hepte parlaméntning kélishimni qobul qilishining ehmiyitini körsitip bergenlikini tekitlep: «bu arqiliq éniqsizliqni axirlashturup, tertip boyiche chékineleymiz» dédi.
