bérlinda yashaydighan bir türk yash üch kishini qutquzuwaldi
gérmaniye paytexti bérlinda yashaydighan 20 yashtiki burak qadir onay isimlik türk yash bir binada chiqqan ot apitide üch kishini qutquzup qaldi.
türkiye awazi radiyosi xewiri: bérlin saqchiliri tünügün (21-mart) noyköln nahiyesidiki bir binagha ot ketkenliki we ikki kishining jénidin ayrilghanliqini, yarilanghan 15kishining doxturxanigha apirilghanliqini, 25 kishining qutquzuwélinghanliqini élan qildi.
saqchilar ishtin qaytiwatqan burak qadir onay isimlik bir türk yashning binagha ot ketkenlikini bayqap, derhal binadikilerge xewer bergenlikini we binagha kirip üch kishini qutquzghanliqini, tötinchi kishini qutquzuwatqanda tumandin zeherlinip hoshidin ketkenlikini bildürdi.
bérlin saqchiliri doxturxanigha apirilghan burak qadir onayning salametlik ehwalining yaxshi ikenlikini eskertti.
türkiyening bérlinda turushluq bash konsuli mustafa chelik doxturxanigha bérip, burak qadir onayni ziyaret qildi. mustafa chelik: «burak heqiqiy qehriman, ülgilik shexs. uni tebrikliduq, shükriler bolsunki uning ehwali yaxshi» dédi.
u weqede jénidin ayrilghanlar ichide türkiye puqralirining yoqluqini qeyt qildi.
