jenubiy koréyede méhmanxana yataqliridiki mexpiy sinalghular ghulghula yaratti
jenubiy koréyede méhmanxana yataqlirida 1600 gha yéqin méhmanning körünüshlirini singha élip, intérnétte élan qilghanliq gumani asasida 4 kishi nazaretke élindi.
türkiye awazi radiyosi xewiri: jenubiy koréye döletlik saqchi teshkilati nazaretke élinghan kishilerning jenubiy koréye miqyasida 30 méhmanxanining 42 yatiqida modémlerge, chach qurutush mashinilirigha weyaki bashqa éléktironluq boyumlargha mexpiy kichik tipliq jasus sinalghularni oronlashturush bilen yiblengenlikini élan qildi.
gumandarlarning aldinqi yili achqan intérnét torida, 1600 din köprek méhmanning körünüshlirini hembehirleshkenliki yaki nex meydandin ulap tarqitip nep ündürgenliki heqqide küchlük guman barliqi bildürülmekte.
mexpiy sinaalghuda tartilghan körünüshlerning qanunsiz halda tarqitilishining jenubiy koréyede éghir derijidiki ijtimaiy mesile hésablinidighanliqi uqturulmaqta.
hökümetning bu jehette téximu küchlük qedemlerni tashlishi kéreklikini telep qilghan minglarche jenubyi koréyelik ayallar aldinqi yili namayish ötküzgen idi.
