pakistan hökümiti bezi ministirliq binalirini sétishni qarar qildi

türkiye awazi radiyosi xewiri: pakistan hökümiti dölet xezinisige kirim qilish  üchün bezi minsitirliqlargha tewe binalarni sétishni qarar qildi.

bash ministir imranxan bashchiliqida ötküzülgen ministirlar kéngishi yighinidin kéyin söz qilghan uchur-alaqe ministiri fawad chadri, barliq ministirliqlardin muqim mülük tizimliki telep qilinghanliqini éytti.

imranxan telep qilghan tizimlikning bügünki yighinda muzakirige qoyulghanliqini éytqan chadri: hökümet ishlitilmeydighan binalarni bir terep qilish üchün aldi bilen ortaq siyaset békitishi kérek, chünki barliq ministirliqlarning binalirini satalmasliqigha dair öz aldigha qanunliri bar, dédi.

chadri, bezi ministirliqlargha tewe binalar sétilghan ehwalda, dölet xezinisige tirilyonlarche pakistan rublisi kirim bolidighanliqini eskertti.

ministirliq binalirini sétish üchün töt ministirliqtin bir heyet qurup chiqish qarar qilindi.

yighinda pakistan yéza-igilikini tereqqiy qildurush pilani bolghan memliketlik yéza-igilik jiddiy heriket pilanimu üstidimu muzakire élip bérildi.  mezkur pilan heqqide 2017-yili pakistan asasiy qanun mehkimisi teripidin parlamént ezasi salahiyiti élip tashlanghan jihangir tarin sözlep ötti.

tarin pakistanning 2018-yili  4 milyard dollarliq yéza-igilik mehsulati import qilghanliqini, bu sanning 2015-yili aran 1 milyard 500 milyon dollar ikenlikini eskertti.

maylar üchünla 2 milyard dollar serp qilinghanliqini éytqan tarin, 5 yil ichide yéza-igilik sahesige 2 milyard dollar qimmitide meblegh sélish arqiliq sirttin mehsulat import qilishning miqdari azaytilidighanliqini bildürdi.