musul shehiride aptomobil bomba hujumi yüz berdi
iraqning musul shehiride aptomobil bomba bilen qilinghan hujumda, 2 saqchi ölüp, 16 kishi yaridar boldi.
1159991
türkiye awazi radiyosi xewiri: musul wilayetlik xelq kéngishi bixeterlik komitéti bashliqi mehmut el jubburi anadolu agéntliqigha bergen bayanatida, musul sheher merkizidiki bir ashxana aldida toxtitip qoyulghan aptomobil bombining tuyuqsiz partilighanliqini bildürdi.
hujumda 2 kishi ölüp, 16 kishining yaridar bolghanliqini uqturghan jubburi, aptomobilning kim yaki qaysi gurup teripidin toxtitip qoyulghanliqi namelum ikenlikini, rayongha yétip barghan amanliqni saqlash dairilirining weqe heqqide tekshürüsh bashlighanliqini éytti.