wénézuéla gérmaniye elchisini chégradin chiqip kétishke buyridi
gérmaniyening wénézuélada turushluq bash elchisi daniyél kriynér (Daniel Kriener) «qarshi élinmaydighan kishi» dep élan qilindi.
türkiye awazi radiyosi xewiri: wénézuéla tashqi ishlar ministiri xorgé arréza twittérda bayanat élan qilip hökümetning qararini hembehirlidi.
qararda, gérmaniyening wénézuéla paytexti karakasta turushluq bash elchisi daniyél kriynérning «qarshi élinmaydighan kishi» élan qilinghanliqi we chégradin chiqip kétishi üchün 48 saet waqit bérilgenliki qeyt qilindi.
gérmaniye bash elchisi daniyél kriynérning «ashqun wénézuéla öktichilirining hiyle-mikirlirige maslashqan siyasiy shexstek heriket qilghanliqi» eskertilgen bayanatta, buni qobul qilghili bolmaydighanliqi bildürüldi.
qararda, bash elchi daniyél kriynérning heriketlirining xelqaraliq tertiplerning asasigha zit ikenlikini tekitlinip, «wénézuélaning ichki ishlirigha izchil arilishishqa urunghanliqi» bildürüldi.
wénézuélaning musteqil dölet ikenliki xatirilitilgen qararda, ichki ishlirigha arilishishqa ruxset qilinmaydighanliqi eskertildi.
qararda, wénézuéla hökümitining yawropa hökümetliri bilen diyalog ötküzüshke ochuq ikenlikimu xatirilitildi.
öktichiler üstünlükni igileydighan dölet parlaménti bashliqi xuen guaydo namayishta özini wénézuélaning «waqitliq pirézidénti» dep élan qildi. xuen guaydoning «waqitliq pirézidéntliqi» ni, amérika, kanada, kolombiye, péru, ékwador, paragway, biraziliye, chili, panama, argéntina, kostarika we giwatémala qatarliq döletler étirap qilghan idi.
méksika, türkiye, rusiye, xitay we kuba wénézuéla pirézidénti maduroni qollighan idi.
maduro karakastiki pirézidéntliq sariyining balkonidin qollighuchilirigha xitab qilip, amérika bilen bolghan barliq munasiwetlerni üzgenliklirini we amérika diplomatlirining 72 saet ichide wénézuéladin chiqip kétishi kéreklikini élan qilghan idi. u yene, kéyinki bayanatida, ikki dölet otturisida diplomatik munasiwetlerning axirlashqanliqini, emma soda munasiwetlirining dawamlishidighanliqini bildürgen idi.
amérika pirézidénti donald tramp özgirishlerge qarita wénézuélagha esker ewetishning tallash yollirining biri ikenlikini bildürgen idi.
