türkiye iraq türkmenlirige qilinghan hujumni qattiq eyiblidi
türkiye iraqning musul shehirige qarashliq mahmur nahiyesi etrapida tünügün élip bérilghan térrorluq hujumini qattiq eyibleydighanliqini bildürdi.
türkiye awazi radiyosi xewiri: türkiye tashqi ishlar ministirliqidin élan qilinghan bayanatta mundaq déyildi:
«iraqning musul shehirige qarashliq mahmur nahiyesi etrapida yüz bergen térrorluq hujumlirida 5 türkmen eskerning hayatidin ayrilghanliqi we 30 türkmen amanliqni saqlash xadimining yaridar bolghanliqidin qattiq azablinish ichide xewer taptuq. bu lenetlik hujumni qattiq eyibleymiz. barliq türkmen qérindashlirimizgha we dost iraq xelqige teziye téleklirimizni yollaymiz. hayatidin ayrilghanlargha allahtin rehmet we yaridar bolghanlargha shipaliq téleymiz»
térrorluq teshkilati daésh tünügün hashdi shabi tuzhurmatu türkmen qisimlirigha hujum qilghan idi.
hashdi shabi tuzhurmatu türkmen qisimliri musuldiki bezi idariy resmiyetlirini tügütüp qaytip kétiwatqan peytte, yol üstide hujumgha uchrighan idi.
