süriye xizmet guruppisining nishani békitildi

türkiye awazi radiyosi xewiri: rusiye bilen israiliye birlikte qurup chiqidighan «süriye xizmet guruppisi»ning, chet el küchlirining süriyedin qoghlap chiqirilishi, térrorizmning yiltizidin qurutulushi we muqimliqning ishqa ashurulushi qatarliq ishlarni qilidighanliqi bildürüldi.

kirimél sariyi bayanatchisi dimitriy péskow muxbirlarni kütüwélish yighini ötküzüp, rusiye-israiliye munasiwetlirining nöwettiki ehwali üstide toxtaldi.  

rusiye pirézidénti wiladimir putin bilen israiliye bash ministiri bunyamin nétanyahuning bu yil 27- féwralda moskwada körüshkende, süriye xizmet guruppisi qurup chiqishni  qarar qilghanliqini éytqan péskow, mezkur guruppining sheklining qandaq bolidighanliqining téxi éniq bolmighanliqini bildürdi.

péskow: süriye xizmet guruppisi alaqidar terepler we rayon döletliri bilen hemkarliship süriyedin chet el küchlirini qoghlap chiqirish, térrorizmning yiltizini qurutup tashlash we muqimliq berpa qilish qatarliq ishlarni élip baridu, dédi.

israiliye bash ministiri bunyamin nétanyahu, ötken ayning axirida élip barghan moskwa ziyariti toxtilip mundaq dégenidi: «süriyede ichki urush bashlinip ketkendin kéyin süriyege barghan chet el küchlirini qoghlap chiqirish mesiliside putin bilen kélishtuq, bu meqsetke yétish üchün israiliye bilen rusiye ortaq xizmet guruppisi qurup chiqishni qarar qilduq.»