pompéyo xuawéyning téxnikisini ishletken her qandaq dölet bilen hemkarlashmaydighanliqlirini éytti
amérika tashqi ishlar ministiri mayk pompéyo xitayning téxnologiye shirkiti xuawéy (Huawei) ning paaliyetlirige ruxset qilghan her qandaq dölet bilen hemkarlashmaydighanliqlirini jakarlidi.
türkiye awazi radiyosi xewiri: amérika tashqi ishlar ministiri mayk pompéyo foks biznis (Fox Bussines) qa bayanat bérip, sherqiy we ottura yawropa döletliridiki ziyaritide tilgha alghan signallirini qayta tekrarlidi. u amérikaning xuawéyning téxnikilrini ishletken her qandaq dölet bilen hemkarliq qilmaydighanliqlirini, hetta uchurda ortaqlashmaydighanliqlirini éytti.
u yawropa döletlirining amérikagha qilghan «xuawéygha qoyulghan cheklimilerni bikar qilish» chaqiriqlirini qobul qilmaydighanliqlirini eskertip, mundaq dédi:
«men ziyaret qilghan döletlerde xuawéy téxnikisini ishlitishning, uchur-alaqe téxnikilirini qandaq xeterge duchar qilghanliqini we cheklimilerning ularni qandaq qoghdighanliqini chüshendürdüm. biz amérikaning uchur-téxnikilirini xeterge ittirmeymiz.»
xuawéyning muawin diréktori ming wenju 2018-yil 1-dékabir amérikaning telipi bilen irangha yürgüzülgen émbargolargha buzghunchiliq qilish bilen eyiblinip, kanadada qolgha élinghan we sotning hökmi bilen kapaletke qoyup bérilgen idi. amérika edliye ministirliqi bayanatida, xuawéyni, pul yuyush, pul yötkep qoymichiliq qilish bilen eyibligen idi.
xuawéy shirkiti yene, amérikaning «T-Mobile» yanfonlirini sinashta ishlitilidighan aptomatik sistémigha munasiwetlik melumatlarni oghrilash jinayiti bilenmu eyiblengen idi.
amérika sot mehkimiliri xelqaraliq munasiwetler we soda cheklimiliri bilen xitay téxnologiye shirkiti xuawéy üstidiki bésimini téximu kücheytmekte.
