rusiye intérnét mulazimitini toxtitidu
rusiye tor tehditliri sewebidin otturigha chiqqusi xirislarni éniqlap chiqish üchün xelqaraliq intérnét mulazimitini bir muddet toxtitishni pilanlimaqta.
türkiye awazi radiyosi xewiri: rusiyening «‹ RBK › xewer agéntliqi» ning resmiy dairilerni menbe körsitip xewer qilishiche, moskwa rusiyege intérnét arqiliq yüzlengüsi yer shari xaraktérlik tehditlerge taqabil turush meqsitide birqatar tedbirlerni alidiken.
bu tedbirlerning dairisini éniqlap chiqish üchün bir qisim sinaq tedbirler élinidighan bolup, bulardin biri rusiyening xelqaraliq intérnét mulazimitini toxtitishi iken.
sinaq tedbirler dairiside rusiye puqraliri we dölet orunliri otturisida ortaqlishilidighan melumatlar, xelqaraliq intérnét mulazimitige daxil qilinmaydiken.
bu arqiliq rusiyede intérnét xelqaraliq intérnét mulazimiti bilen teminligüchilerdin musteqil halda ishqa kirishtürülidighan qilip, buningdin,yüz bergüsi tor hujumlirigha taqabil turush nishan qilinidiken.
lékin, bezi mutexessisler, rusiyening bu pilani emelge ashqan teqdirde, dölettiki intérnét cheklimisining, xitaydikige oxshashla pütkül dunya miqyasida omumliship qélish xewpining barliqi toghruluq agahlandurush bermekte iken.
rusiye intérnét mulazimitini milliyleshtürüsh üchün texminen 20 milyard rubliliq meblegh ajratqan bolup, 1 – apréldin étibaren intérnét mulazimitini toxtitip sinaq tedbirlerni élishqa bashlashni pilanlimaqta iken.
