«malayshiya shimaliy koréye bilen saqliniwatqan mesililerni hel qilidu»
malayshiya bash ministiri maxatir muhemmed dölitining shimaliy koréye bilen saqliniwatqan mesililirini yéqin kelgüside hel qilidighanliqini éytti.
türkiye awazi radiyosi xewiri: bash ministir maxatir perdana rehberlik fondi jemiyitide ötküzülgen paaliyette qilghan sözide, amérika qoshma ishtatliri bilen shimaliy koréye rehberlirining wéytnamda ishqa ashurulidighan ikkinchi qétimliq aliy derijilik rehberler uchrishishigha ijabiy qaraydighanliqini eskertish bilen bir waqitta, dölitining shimaliy koréye bilen saqliniwatqan mesililirini yéqin kelgüside hel qilidighanliqini tekitlidi.
shimaliy koréye rehbiri kim jongunning ögey akisi kim jongnamning malayshiyada 2017 – yili suyiqestke uchrishining, ikki dölet otturisidiki kirizis peyda qilghanliqi étqan maxatir, «malayshiya shimaliy koréye bilen saqliniwatqan mesililirini aldimizdiki mezgilde hel qilidu» dédi.
u, bultur yaponiyening «‹ Nikkei Asian Review'› agéntliqi» ning ziyaritini qobul qilghanda bergen bayanatida, malayshiya bilen shimaliy koréye otturisidiki munasiwetlerning eslige kélidighanliqini tekitligen, piyongyangdiki malayshiya bash elchixanisining qaytidin ishqa kirishtürüsh éhtimalliqining barliqini qeyt qilghanidi.
kim jongnam 2017 – yili 13 – féwral küni kualalumpurdiki ayrodurumda hujumgha uchrap hayatidin ayrilghanidi. suyiqestte VX nérwa réagénti ishlitilgenliki ilgiri sürülgenidi.
