girétsiye pirézidénti: türkiye bilen bolghan munasiwetlerni tereqqiy qildurushni xalaymiz

türkiye awazi radiyosi xewiri: pawloupolis kirodiyening paytexti zagréb ziyariti dairiside kirodiye pirézidénti koinda grabar kitarowich bilen körüshti.

uchrishishta, girétsiye – kirodiye munasiwetliridin sirt yene, yawropa ittipaqining kéngiyish siyasiti, tertipsiz köchmenlik mesilisi we girétsiyening türkiye, makédoniye we albaniye qatarliq qoshniliri bilen bolghan munasiwetliri heqqide muzakire élip bérildi.

pawloupolis uchrishishtin kéyin ötküzülgen qoshma axbarat élan qilish yighinida qilghan sözide, balqan rayonining yawropa ittipaqining sherqiy jenubiy  yawropadiki qismi hésablinidighanliqini, yawropa ittipaqining rayondiki kéngiyish siyasitini izchil qollap kéliwatqanliqlirini, biraq yawropa ittipaqigha eza bolushni xalaydighan döletlerning tégishlik shertlerni orundishi lazimliqini eskertish bilen bir waqitta, girétsiye bash ministiri aléksis chiprasning paytext enqerede dölet ishliri ziyaritide boluwatqanliqini tekitlep mundaq dédi: «girétsiye türkiye bilen bolghan munasiwetlerni tinchliq, dostluq we inaq qoshnidarchiliq asasida tereqqiy qildurushni xalaydu, derweqe, chiprasning türkiye ziyaritimu buning eng roshen namayendisidur.»