israiliye ghezze chégrasigha métal tam sélish qurulushini bashlidi
srailiye, ghezze chégrasigha 6 métir égizlik we 65 kilométir uzunluqta métal tam sélish qurulushini bashlidi.
türkiye awazi radiyosi xewiri: israiliye bash ministiri bunyamin nétanyahu, ghezze chégrasigha 65 kilométir uzunluqta métal tam sélish qurulushining bashlighanliqini bildürdi؛ israiliyede chiqidighan «hayalon» gézitining xewer qilishiche, nétanyahu hökümet yighinida söz qilip, ötken heptining axirida ghezze chégrasida bashlanghan métal tam qurulushi arqiliq pelestinliklerning israiliye terepke soqunup kirishining aldini élish nishan qilinghanliqini bildürgen.
nétanyahu, pelestinliklerge qaritip, «sükünatni saqlimisa, ulargha qarshi heriketke ötüsh üchün ikkilenmeymiz» dédi.
gézitning xewirige qarighanda, yer üstige sélinidighan tam, yer astidiki tonéllargha qarshi orunlashturulghan sistémining del üstige sélinghan bolup, uzunluqi 65 kilométir, égizliki 6 métir iken.
eng ilghar téxnologiyeler orunlashturulidighan tam, gherb terepte pelestinlik ghewwaslarning israiliyege ötüshini tosup qélish üchün aqdéngizda su asti we üstige ornitilghan sistéma bilen tutashturulidiken. jenubta bolsa, tam kerem ebusalim chégra éghizighiche sozulidiken.
