süriye öktichiliri b d t ni heriketke ötüshke chaqirdi
beshshar esed hakimiyiti küchliri we iranning qollishi astidiki térrorist guruppilarning idlibning jenubidiki turalghu jaylarni top oqi bilen bombardiman qilghanliqi bildürüldi.
türkiye awazi radiyosi xewiri: süriye öktichiler we inqilabchi küchler memliketlik birleshmisi beshshar esed hakimiyiti we iranning qollishi astidiki térrorist guruppilarning idlib wilayiti marétinuman nahiyesige qilghan hujumliri bilen, sochi kélishimige xilapliq qilghanliqini bildürüp, b d t xewpsizlik kéngishini süriyediki puqralarning qoghdilishi üchün heriketke ötüshke chaqirdi.
süriye öktichiler we inqilabchi küchler memliketlik birleshmisi tünügün (30-dékabir) beshshar esed hakimiyiti we iranning qollishi astidiki térrorist guruppilarning idlibning jenubigha jaylashqan marétinuman nahiyesini top oqigha tutqanliqi heqqide yazma bayanat élan qildi.
bayanatta, beshshar esed küchlirining nahiyediki turalghulargha 20 din köp top oqi atqanliqini we buning bilen idlibte urush toxtitish telep qilinghan sochi kélishimige xilapliq qilghanliqi eskertildi.
hujumlarda puqralarning ölüm-yétim hadisilirining körülgenliki qeyt qilinghan bayanatta: «xelqaraliq jemiyet, bu qetliamlar we kélishimge xilap qilmishlargha qarshi heriketke ötüshi kérek. murekkep weziyetke nisbeten <körmeske sélish> siyasitidin waz kéchishi kérek» déyildi.
bayanatta, b d t xewpsizlik kéngishining süriyediki puqralarni qoghdash üchün heriketke ötüshi telep qilindi.
beshshar esed hakimiyiti we iranning qollishi astidiki térrorist guruppilarning tünügün sochi kélishimige xilapliq qilip, «idlib jiddiychilikini peseytish rayoni» ichige jaylashqan nahiyediki puqralar turalghulirini top oqi bilen bombardiman qilghan hujumida, 11 puqra jénidin ayrilip, 25 puqra yarilandi. hujumdin kéyin nahiyediki 21 mektepning oqughuchiliri dem élishqa qoyup bérildi.
beshshar esed küchliri türkiye bilen rusiye otturisida idlibtiki urush toxtitishni téximu mukemmelleshtürüsh üchün imzalanghan sochi kélishimige qarimay hujumlirini dawamlashturmaqta.
süriye qoralliq öktichiliri 2018-yil 17-séntebir imzalanghan sochi kélishimide belgilengen rayonlardin 10-öktebir (2018) éghir tipliq qorallirini chékindürgen idi.
