xitay:«ming wenjuning tutqun qilinishi siyasiy düshmenliktin bashqa bir nerse emes»
xitay hökümiti ming wenjuning tutqun qilinishining siyasiy düshmenliktin bashqa bir nerse emeslikini bildürdi.
türkiye awazi radiyosi xewiri: xitay hökümiti xuawéy guruhining maliye ishliri mudiri ming wenjuning tutqun qilinishini «siyasiy düshmenlik»dep teriplidi.
xitay tashqi ishlar ministirliqi bayanatchisi ging shuang, béyjingda muxbirlarni kütüwélish yighini ötküzgende ming wenjuning kanadada sotlinishi toghruluq toxtilip: ming wenjuning sotlinishi adettiki jinayiy délo emes, buning keynide küchlük siyasiy gherezler we düshmenlik bar, dédi.
xitay we xelqara jemiyetning bu weqege tutqan pozitsiyesining tolimu éniq ikenlikini éytqan bayanatchi ging, kanadani toghra qarar chiqirishqa, ming wenjuni derhal qoyup bérishke we uning xitaygha xatirjem qaytip kélishige ruxset qilishqa chaqirdi.
téxnologiye shirkiti xuawéyning xojayini rin jingféning qizi, shundaqla shirketning maliye ishliri mudiri ming wenju, amérikaning irangha qaratqan émbargolirigha xilap qilish bilen eyiblinip bultur 1-dékabirda kanadaning wankowér shehiride tutulghanidi.
kanada sot mehkimisi 10 milyon kanada dolliri tölem sherti bilen ming wenjuni qoyup berdi.
ming wenju yene bu yil 6-féwralda wankowér shehiride qayta sotlinidu.
kanadaning xitay elchisi jon makkalomu kanada bilen xitay otturisida diplomatik kirizis peyda qilghan xuawéyning maliy ishliri mudiri ming wenjuning délosi toghruluq muxbirlarning ziyaritini qobul qilghanda, kanada hökümitining ming wenjuni amérika qayturup bérishtin waz kéchishi lazimliqini éytqanidi.
