wénézuéla parlaméntining bashliqi özini «pirézidént» dep élan qildi
wénézuéla parlaméntining bashliqi xuen guaydo hökümetke qarshi ötküzülgen namayishlarda özini «waqitliq pirézidént» dep élan qildi.
![wénézuéla parlaméntining bashliqi özini «pirézidént» dep élan qildi](http://cdn.trt.net.tr/images/xlarge/rectangle/cab7/c831/2a2c/5c495870e539f.jpg?time=1719285189)
türkiye awazi radiyosi xewiri: xuen guaydo wénézuéla paytexti karakasta ötküzülgen hökümetke qarshi namayishlarda özining qollighuchilirigha xitab qilip: «hökümetning igelliwélishni axirlashturush, waqitliq hökümetni qurush we erkin saylam ötküzüsh üchün, resmiy shekilde wénézuélagha mesul pirézidéntliq wezipisini üstümge élishqa qesem qilimen» dédi.
u xelqqe özini qollishini chaqiriq qilip: «buning bir kishi bilen bolidighan ish emeslikini hemmimiz yaxshi bilimiz, buning netijiliri bolidu. chong dölet küchi we ümid herikitining aldini tosushqa ruxset qilmaymiz» dédi.
u hökümetke qarshi namayishlarning dawamlishidighanliqini alahide tekitlep, mundaq dédi:
«hérip qalamduq? yaq. démokratiyege, erkinlikke, pakize sugha, tebiiy gazgha érishkiche we her bir wénézuélaliqning tamaq üstilige nan qoyulghiche qarshiliq körsitimiz» dédi.