pakistanda aptobus bilen néfit aptomobili soqulup kétish weqesi yüz berdi
pakistanda aptobus bilen néfit aptomobilining soqulup kétishi netijiside 24 kishi hayatidin ayrildi.
türkiye awazi radiyosi xewiri: pakistan taratqulirining xewer qilishiche, döletning jenubidiki sindi ölkisige jaylashqan karachidin belujistanning panjur rayonigha kétiwatqan we 40 yoluchi bar yoluchilar aptobusi qarshi tereptin kelgen néfit aptomobiligha soqulup ketken.
deslepki melumatlargha qarighanda, qazada 24 kishi hayatidin ayrilghan, 5 i éghir, 16 kishi yarilanghan. rayondiki doxturxanilarning iqtidari yétersiz bolghanliqtin, yaridarlar karachigha yötkelgen, biraq yéterlik derijide qutquzush mashiniliri bolmighanliqi üchün, yaridarlarni doxturxanilargha orunlashturush ishlirida kéchikish körülgen.
weqedin kéyin tankérdiki néfitning etrapqa yamrap kétishi bilen ikki aptomobilgha ot ketken, neq meydangha yétip barghan ot öchürüsh xadimliri otni öchürüshke we yaridarlarni qutquzushqa tirishqan.
pakistanda bultur awghust éyidimu bir yoluchilar aptobusi bilen tankérning soqulup kéttishi netijiside 18 kishi hayatidin ayrilghanidi.
