iran puqralirini zörür bolup qalmighan teqdirde giruziyege barmasliq toghriisda agahlandurdi

türkiye awazi radiyosi xewiri: iran resmiy xewer agéntliqi – irnaning ziyaritini qobul qilghan memliketlik yuqumluq késellikler komitéti ezasi mesud merdani, «giruziyede yuqumluq késellikke aylanghan H1N1 baktiriyesi iranghimu tarqaldi. baktiriyening menbesi giruziyedur. puqralirimiz mejbur bolup qalmighan ehwalda bu döletke bérishtin yiraq turushi kérek» dédi.

u, giruziyedin qaytip kelgendin kéyin qizitma örlep kétish, burun éqish we bash aghriqidek alametler körülgen iranliqlarning eng yéqin sehiye merkizige bérip körünüshini telep qildi.

giruziyede ötken hepte élan qilinghan bayanatta, choshqa zukimi déyilidighan H1N1 baktiriyesi tüpeyli 10 ademning jénidin ayrilghanliqi uqturulghanidi. giruziye sayahet ishliri ministiri giorgi chogowadzé uningdin ilgiri bayanat bérip, 2018 – yilining deslepki 10 éyida giruziyege 7 milyon 500 ming sayahetchi kelgenlikini, bularning 262 mingining iranliq ikenlikini bildürgenidi.