amérika awam palatasi trampqa mektup ewetti

türkiye awazi radiyosi xewiri: amérika awam palatasining reisi nensi pélosi xelqqe xitab qilish nutuqini kéchiktürüshni telep qilip, pirézidént trampqa mektup ewetti. u mektubida mundaq dédi:

«1977 maliye yili bashlanghandin tartip, héchqandaq xelqqe xitab qilish nutqi hökümet taqalghan waqitta sözlenmidi.»

u amérika ichki bixeterlik ministiri kirstjén niyélsning 2018-yil séntebir sözlengen xelqqe xitab qilish nutqini «alahide dölet xewpsizliki paaliyetliri» dep atighanliqini eskertip, bu xildiki paaliyetlerning bixeterlikini saqlash üchün nurghun orunlarning bir yerge jem bolup, uzun waqit tepsiliy tekshürüp-tetqiq qilishi kéreklikini bildürdi.

u mezkur paaliyetning bixeterlikining kordinatsiyesini, pilanini we eng chong mesuliyitini öz üstige alghan fédératsiye agéntliqining, fédératsiye tekshürüsh idarisi ikenlikini bildürüp, mundaq dédi:

«biraq, hem amérika fédératsiye tekshürüsh idarisi hemde ichki bixeterlik ministirliqi hökümet taqalghanliqi üchün 26 kündin buyan fond alalmaywatidu. muhim organlarning put-qoli heqsiz ruxsetler sewebidin baghlinip qaldi.»

nensi pélosi mektubini töwendiki sözliri bilen axirlashturdi:

«epsuslanghan halda shuni deymenki, bixeterlik endishelirini köz aldida tutqanda we hökümet bu hepte échilmisa, xelqqe xitab qilish nutqini hökümet échilghandin kéyinki muwapiq bir waqitta sözleshni birlikte qarar qilishimizni, yaki 29-yanwar kongrege yazma shekilde ewetishingizni teklip qilimen.»

yene bir tereptin, «politiko» (Politico) namliq intérnét bétide, amérikadiki jumhuriyetchi we démokrat palata ezalirining pirézidént trampqa mektup ewetip, eger hökümetni achsa chégra bixeterliki pilanini uning bilen muzakire qilishqa teyyar ikenliklirini bildüridighanliqi ilgiri sürüldi.

mektupta, hökümetning üch hepte échilishi we mesililerni muzakire qilish telep qilindi.