tramp «dawos» yighinigha qatnashmaydighanliqini bildürdi

türkiye awazi radiyosi xewiri: tramp ammiwi ortaqlishish tor béti Twitter sehipiside bu heqte élan qilghan bayanatida, xamchot kirizisi sewebidin fédéral hökümetning taqilip qalghanliqini, shunga, shiwéytsariyening dawos shehiride chaqirilidighan «dunya iqtisad munbiri» yighinigha qatnashmaydighanliqini tekitlep mundaq dédi: «démokratlarning chégra rayonlirimizning bixeterliki we xelqimizning amanliqigha alaqidar muresseleshmes pozitsiyesi sewebidin <dunya iqtisad munbiri> yighinigha qatnishish qararimni bikar qilimen. yighinning muweppeqiyetlik bolushigha tilekdashmen.»

méksika chégrasigha soqulidighan sépil üchün meblegh ajritilalmasliqi keltürüp chiqarghan xamchot kirizisi sewebidin fédéral hökümetning qismen taqilip qalghinigha 21 kün boldi.

amérika palatasi fédéral hökümetning noyabir éyida ötküzülidighan ara saylamlar harpisida taqilip qélishining aldini alidighan 854 milyard dollarliq xamchot qararnamisini séntebir éyida maqullighanidi.

melumatlargha qarighanda, amérika qanunlirighan asasen, dölet mejlisi 1 – öktebir küni bashlinip, 30 – öktebir küni axirlishidighan maliye yili üchün uzaq mezgillik xamchot layihesini maqullimighan teqdirde, waqitliq xamchotlar arqiliq boshluqning toldurulushi kérek iken. waqitliq xamchot layihesimu maqullanmighan waqitlarda chiqim qilish hoquqidin ayrilip qalghan fédéral hökümet taqilidiken.

bu ehwal «texminen 320 milyondin artuq kishige mulazimet qilidighan fédéral hökümetning muhim xizmetlerning sirtidiki barliq paaliyetlirini toxtitishi» dégen menini bildüridiken.

igilinishiche, «nahayiti muhim xadimlar» katégoriyesidiki xizmetchi – xadimlar hökümet taqilip qalghan waqitlardiki maashlirini adette dölet mejlisi yéngi  bir xamchot layihesini maqullighangha qeder alalmaydiken. amérika qoshma ishtatlirida «adettiki xizmetchi - xadimlar» sani 850 ming, «nahayiti muhim xadimlar» ning sani bolsa 2 milyon etrapida iken.