iran kéler hepte 2 suniy hemrah qoyup béridu
iran pirézidénti hesen ruhani iranning özi ishlepchiqarghan rakitalar arqiliq kéler hepte alem boshluqigha 2 suniy hemrah qoyup béridighanliqini éytti.
türkiye awazi radiyosi xewiri: iranning sabiq pirézidénti eli ekber hashimi refsenjani wapat bolghanliqining 2 – yilida paytext téhranda alahide murasim bilen xatirilendi.
xatirilesh murasimigha refsanjinining aile ezaliri we iran pirézidénti hesen ruhanidin bashqa yene diniy rehberler we siyasetchilermu qatnashti. hesen ruhani murasimda sözligen nutiqida, bügünki iranning mudapie küchi we yéngi shundaqla ottura sewiyelik téxnikisining refsanjanining singdürgen emgeklirining netijisi ikenlikini bildürüp, «kéler hepte alem boshluqigha özimiz ishlepchiqarghan rakitalar arqiliq 2 suniy hemrah qoyup bérimiz» dédi.
hesen ruhani refsanjanining tengdasiz bir siyasiy rehber ikenlikini bildürdi.
iranning sabiq pirézidénti refsanjani 2017 – yili 8 – yanwarda su üzüsh kölide wapat bolghan idi. dslepte ölüm sewebining yürek sanjiqi ikenliki élan qilinghan bolup, biraq aldinqi hepte refsanjanining qizi fetma hashimi anadolu agéntliqigha bergen bayanatida, dadisining wapati heqqide hazirmu nurghunlighan guman barliqini bildürgen idi.
fetma hashimi: «dadamning öz ejili bilen ölgenlikige hergiz ishenmeymen» dégen idi.
