xitay bilen amérika otturisidiki soda muzakiriliri axirlashti

türkiye awazi radiyosi xewiri: xitay bilen amérika heyetliri béyjingda ötküzülgen soda muzakirilirini axirlashturi.

xitay tashqi ishlar ministirliqi bayanatchiliridin lu kang muxbirlarni kütüwélish yighinida, amérika heyiti bilen ötküzülgen soda muzakirilirining axirlashqanliqini, muzakirining netijisining kéyinche élan qilinidighanliqini bildürdi.

ikki kün ötküzüsh pilanlanghan soda muzakirilirining yene bir kün uzartilishining semmiyetning ipadisi ikenlikini eskertken lu kang, muzakirilerdin ünümlük netije chiqqan teqdirde buning hem ikki döletke hemde bashqa döletlerge paydiliq bolidighanliqini tekitlep ötti.

muawin ministirlar sewiyeside ötküzüsh pilanlanghan we  béyjingda mushu düshenbe küni bashlinip bügün (charshenbe)axirlashqan muzakirilerge, xitay muawin bash ministiri liyu xi we soda ministiri jong shenningmu  qatnashqanliqi alahide diqqet qozghidi.

amérika pirézidénti donald tramp bilen xitay dölet reisi shi jinping argéntinaning paytexti buénus ayrésta chaqirilghan g-20 dölet guruhi aliy rehberler yighinida körüshkende, ikki dölet otturisida dawamliship kéliwatqan soda urushining yéngi tamozhna bajliri bilen téximu ulghiyip kétishining aldini élish üchün 90 künlük «oq chiqirishni toxtitish»mesiliside birdeklik hasil qilghanidi.

washingiton hakimiyitining 200 milyard dollarliq xitay mehsulatlirigha qarita yolgha qoyghan tamozhna baj nisbitini 2019-yili 1-yanwardin bashlap %10tin %25ge yetküzüsh qararini emeldin qaldurghan waqitliq «oq chiqirishni toxtitish kélishimi», ikki döletning bir-birlirige qarita yéngi tamozhna béji belgilimisi qoyushigha tosalghu boldi.

xitay buninggha qarita amérikadin import qiliwatqan aptomobil we aptomobil zapchaslirigha qaratqan tamozhna béji niisbitini töwenletti.