seudi erebistanning bir puqrasi tayland ayrodurumidin mejburiy qayturuldi

türkiye awazi radiyosi xewiri:  seudi erebistan puqrasi rahaf muhemmed alqunun twittérda tayland ayrodurumidin mejburiy qayturuwétilgenlikini élan qildi. u bayanatida: «seudi erebistan elchixanisi pasportumni tartiwaldi. méni késel we qiliwatqanlirimni eqildin adashqanliq, dep eyiblewatidu» dédi.

u özining eqliy salametlikining yaxshi ikenlikini tekitlep: «men heqiqiy xeter astidimen» dédi.

alqunun tayland dairilirining özige panahliq tilesh mesilisige yardem qilmighanliqini eskertip, b d t din her qandaq dölettin panahliq tilesh imkaniyiti yaritip bérishni telep qildi.

seudi erebistanning bangkoktiki elchixanisining meslihetchiisi abdulilah eshshueyibi «elxalijiya téléwiziyesi» de bayanat élan qilip, rahaf muhemmed alqununning taylandta méhmanxana tizimlatmighanliqini we qaytish bilitining yoqluqini, shunga ayrodurum dairiliri teripidin qolgha élinghanliqini, pasportining tartiwélinmighanliqini bildürdi.

meslihetchi abdulilah eshshueyibi rahaf muhemmed alqununning ailisi yashaydighan küweytke qayturulidighanliqini, twittérda rahaf muhemmed alqunun toghrisida tarqalghan uchurlargha ehmiyet bermeslikini qeyt qildi.

twittér bilen yutub arqiliq bangkok ayrodurumida özining ehwali toghrisida uchur tarqitiwatqan alqunun, bérish-kéliish ayropilan bélitini küweyttin ayrilishtin burun alghanliqini, méhmanxanini tizimlatqanliqini eskertip, hazirqi ehwalining seudi erebistan hökümiti teripidin pilanlanghanliqini, küweytke qayturush üchün mejburiy qolgha élinghanliqini ilgiri sürdi.