zarif: tehdit tehditni tughduridu

türkiye awazi radiyosi xewiri: zarif ammiwi ortaqlishish tor bétidiki sehipiside élan qilghan bayanatida, amérika qoshma ishtatliri tashqi ishlar ministiri mayk pompéyoning iranning aldimizdiki  aylarda 3 dane alem kémisi qoyup bérishni pilanlawatqanliqigha alaqidar sözliri toghruluq toxtilip,  iranning alem kémisi qoyup bérish we bashqurulidighan bomba sinaq qilish paaliyetlirining birleshken döletler teshkilati xewpsizlik kéngishining 2231 – nomurluq qararigha zit emeslikini tekitlep mundaq dédi: «eslide amérika qoshma ishtatliri birleshken döletler teshkilati xewpsizlik kéngishining 2231 – nomurluq qararini depsende qilmaqta, shunga amérikining bu heqte bashqilargha tewsiyede bolushqa salahiyiti toshmaydu. amérika qoshma ishtatlirigha shu heqiqetni xatirilitip ötmekchimen؛ birinchisi, birleshken döletler teshkilati xewpsizlik kéngishining 1919 – nomurluq qarari ölüktur, ikkinchisi, tehdit tehditni tughduridu, medeniyetlik bolush bolsa meniyetlik bolushni tughduridu.»

amérika qoshma ishtatliri tashqi ishlar ministiri mayk pompéyo iranning aldimizdiki aylarda alem kémisi qoyup bérishni pilanlawatqanliqigha alaqidar yazma bayanatida, bu alem kémiliride ishlitilidighan téxnologiyening qiteler ara bashqurulidighan bomba téxnologiyesi bilen oxshash ikenlikini ilgiri sürgen,  buninggha xatime bermigen teqdirde, téximu küchlük we yenimu éghir iqtisadiy hem diplomatik émbargolarning yürgüzülidighanliqi bilen téhran hökümitige tehdit salghanidi. shuning bilen bir waqitta, iranning bashqurulidighan bomba sistémilirini tereqqiy qilduridighanliqini dewa qilish bilen birge, amérika qoshma ishtatliri, gérmaniye, firansiye we engliye qatarliq döletlerning, «iranning bu paaliyetliri birleshken döletler teshkilati xewpsizlik kéngishining 2231 – nomurluq qararini depsende qilghanliq bolidu» dep qaraydighanliqini tekitlep mundaq dégenidi: «téhran hökümitining xelqaraliq bixeterlikke tehdit sélishigha yol qoyalmaymiz.»