sey yingwén shi jinpingning birlishsh teklipini ret qildi
teywen lidéri sey yingwén, xitayning «bir dölette ikki xil tüzüm» teklipini qetiy qobul qilmaydighanliqlirini bildürdi.
türkiye awazi radiyosi xewiri: fukus teywenning xewer qilishiche, sey yingwén paytext teybide söz qilip, xitay dölet reisi shi jinpingning teywenge qaratqan «birleshme» chaqiriqigha naraziliq bildürgen halda, «teywen bir dölette ikki xil tüzüm teklipini qetiy qobul qilmaydu. teywen xelqining köp sanliqi béyjing teripidin otturigha qoyulghan bu pozitsiyege küchlük rewishte qarshi chiqidu» dégen.
ikki terepning «bir xitay» mesiliside birdeklik hasil qilghan 1992 – yilidiki kélishimnimu qetiy qobul qilmighanliqlirini bildürgen teywen lidéri sey yingwén, «bu yerdiki asrasiy seweb kélishimdiki <bir junggo> pirinsipining béyjing hökümiti teripidin bir dölette ikki xil tüzüm tonushigha asasen özgertilgen bolushidur» dégenlerni qeyt qildi.
xitay dölet reisi shi jinping, teywen bilen qaytidin birlishishning «héchqandaq küch we héchkim teripidin qetiy tosup qélinalmighudek bir tarixiy mayilliq» ikenlikini tekitlep, qaytidin birlishishke chaqirghanidi.
qaytidin birleshme ishqa ashurulghandin kéyin xitayning igilik hoquqi astida turmush shekli, ijtimaiy sistémisi, xususiy mülükliri, diniy étiqadliri, qanuniy heq – hoquqliri qatarliq teywenning menpeetlirige toluq hörmet qilinidighanliqini bildürgen shi jinping, «hemmimiz oxshash ailimiz» dégen sözliri arqiliq teywenning xitayning ichki ishi ikenlikini ilgiri sürgenidi.
shi jinping, «junggoluqning junggoluq bilen jédel qilmaydighanliqi» ni, biraq küch ishlitishni bir yangha qayrip qoyush toghrisida wede bérelmeydighanliqlirini, kéreklik barliq tedbirlerni yolgha qoyush qarishini saqlap qalidighanliqlirini bildürgenidi.
teywen lidéri sey yingwén seyshenbe küni béyjing hökümitini teywenning mewjutluqigha we teywen xelqining «erkin we démokratik» bir sistéma astida yashashtin ibaret tallishigha hörmet qilshiqa chaqirghanidi.
