rusiyediki gaz partlashta ölgenlerning sani köpeydi
rusiyening chélyabinsk rayonigha jaylashqan magnitogorisk shehiride tebiiy gaz partash weqesi sewebidin olturushup ketken binaning xarabilikliri astidin chiqirilghan jesetlerning sani 13 ke yetti.
1117799
türkiye awazi radiyosi xewiri: magnitogorisk shehiride 13 – dékabir küni etigen tereplerde 10 qewetlik bir binada partlash weqesi yüz bérip, bina olturushup ketkenidi.
jiddiy ehwallargha taqabil turush qomandanliq merkizining bildürüshiche, weqe yüz bergendin buyan dawamlishiwatqan izdesh - qutquzush paaliyetliri dawamida xarabiliklerning astidin 13 kishining jesiti chiqirilghan bolup, xarabilikning astida qalghanliqi texmin qiliniwatqan 30 kishining aqiwiti éniq emes iken.
partlashta 100 din artuq kishi yashawatqan 48 yürüshlük öy ziyangha uchrighanidi.
olturushup ketken binaning xarabilikliri astidin deslepki qedemde 8 kishining jesiti chiqirilghan, bir bowaq bolsa weqedin texminen 35 saet ötkendin kéyin qutquzuwélinghanidi.
