yaponiye téximu köp chet ellik ishchi élishni pilanlimaqta
yaponiye nopusining tizla yashinip kétishi we yash emgek küchi éhtiyajini qamdiyalmasliqi sewebidin kéler yili 100 minglarche chet ellik ishchi qobul qilishni pilanlimaqta.
türkiye awazi radiyosi xewiri: bu dairide april éyida ijra qilishqa bashlinidighan yéngi wiza resmiyetliri belgilimisi arqiliq yéngi kélidighan chet ellik ishchilar üchün ishikni keng échishi mölcherlenmekte.
«Deutsche Welle» agéntliqi türkche tor bétide chiqqan xewerde, yaponiye hökümitining memlikette ishlewatqan chet ellik ishchilarning ehwalini téximu yaxshilap bérishqa dair qedemlerni tashlaydighanliqi bildürüldi.
yaponiye hökümiti chet ellik ishchilarning kelgüsi xizmet sharaitlirining yaxshilinishi we kündilik turmushlirigha yardem qilish üchün kéreklik tedbirlerni yolgha qoyushni qarar qildi.
yaponiye hökümitining qararida orun alghan yéngi tedbirler dairisde, chet ellik ishchilarning xizmet saetlirining yaxshilap bérilishi, maashlirining östürülishi we xizmet kapalitige ige bolushi ishqa ashurulidu.
yaponiye hökümiti yüz minglighan chet ellik ishchilargha qarita kéreklik teyyarliqlarni tamamlimidi, depmu tenqid qilinmaqta.
yaponiyede chet ellik ishchilarning paraktéka pirogrammisi dairiside ishlitip, ékspalatatsiye qilinghanliqi ilgiri sürülgen idi.
adwokatlarning bergen mulumatlirigha asasasen, paraktékant ornida ishlitilgen ishchilarning yaponiye shirketliri teripidin erzan bahaliq emgek küchi qatarida süyiistémal qilinghanliqi we jemiyettin chetke qéqilghan halda yashaydighanliqi otturigha qoyulghan idi.
bunngidin bashqa yene, bu ishchilarning ish tapilishi üchün otturida muressechi bolghan shirketlerningmu ularni éghir qerzlerge boghup qoyghanliqi bildürülgen idi.
yaponiye hökümiti yéngi tedbirler dairiside, chet ellik ishchilarning döletliri bilen hemkarliq ornitip, yuqiriqidek ehwallarning yüz bérishining aldini élishni nishan qilmaqta.
