pelestindiki qoralliq teshkilatlar israiliyeni agahlandurdi

türkiye awazi radiyosi xewiri: pelestindiki qoralliq teshkilatlar israiliyeni ghezze chégrasida «büyük qaytish yürüshi»nami astida namayish ötküzüwatqan pelestinklerge zorawanliq qilmasliq toghrisida agahlandurdi.

hamas we islamiy jihad herikitige oxshash teshkilatlarning qoralliq bölümliridin teshkil tapqan pelestin qarshiliq körsitish ortaq heriket guruppisi bu heqte yazma bayanat élan qildi.

bayanatta mundaq déyildi:« israiliyening kéler jüme  <büyük qaytish yürüshi>nami astidiki namayishlargha tutqan pozitsiyesi, israiliyening buningdin kéyinki ish-heriket we niyitini belgileydu.»

«israiliyege qandaq jawab qayturushni alliburun oyliship bolduq, buning sheklini, waqtini we qandaq bolidighanliqini israiliyening pozitsiyesige qarap békitimiz»déyilgen bayanatta xelqning jéni, mal-mülki we izzet-abroyliri depsende  qilinghanda süküt qilinmaydighanliqi we her qandaq  tosalghu we qiyinchiliqqa bash égilmeydighanliqi eskertildi.

bayanatta sirailiyening pelestin xelqige qaratqan siyasetlirining alliburun qizil siziqtin ötüp ketkenliki, shunga pelestin qarshiliq körsitish herikitining israiliyening zulumigha qarap turmaydighanliqi bildürüldi.

pelestinlikler bu yil 30-marttin buyan muhasire astidiki ghezzening israiliye chégrasida «büyük qaytish yürüshi»nami astida tinch halda namayish ötküzüp kelmekte.

sirailiye eskerliri «sürgün qilinghan zéminlirigha qaytish we 2006-yildin buyan ghezzege qaritilghan qanunsiz muhasireni bikar qilish»qatarliqlarni telep qilip kéliwatqan namayishchilarni qanliq shekilde basturmaqta.   

israiliye eskerliri hazirghiche 240tin artuq pelestinlikning jénigha zamin boldi.