nigériyede nurghun balilar acharchiliqtin ölüp ketti
nigériyening kaduna ölkiside yéqinqi 10 ay ichide yéterlik derijide uzuqlinalmasliq sewebidin 132 bala hayatidin ayrildi.
türkiye awazi radiyosi xewiri: kaduna ölkilik uzuqlinish ishliri idarisining mesulliridin hajiya hauwa osmanning bildürüshiche, yéqinqi 10 ay ichide yéterlik derijide uzuqlinalmasliq sewebidin 132 bala hayatidin ayrilghan, doxturxanilargha orunlashturulghan 12 ming 858 balidin 10 ming 604 i dawalap saqaytilghan. besh yashtin kichik balilarning % 11 si yéterlik derijide uzuqlinalmasliq xewpige duch kéliwatqan bolup, bu balilardin % 47 ti fizikiliq jehettin normal ösüp yétilelmeslik xewpige duch kelgen.
gherbiy afriqa döliti nigériyening nasarawa ölkiside yéterlik derijide uzuqlinalmasleq sewebidin yéqinqi üch ay ichide 30 balining qaza qilghanliqi bildürülgenidi.
igilinishiche, nigériyede boko haramning hujumliri, yaylaq toqunushliri we iqtisadiy kirizis sewebidin, texminen 35 milyon bala yéterlik derijide uzuqlinlmasliq xewini bashtin kechürmekte iken.
