donald tramp dawos aliy rehberler yighinigha qatnishidu

türkiye awazi radiyosi xewiri: amérika pirézidénti donald tramp kéler ay shiwétsiyening dawos nahiyeside chaqirilidighan dunya iqtisad munbirige qatnishidu.

aqsaray  bayanatchisi élizabét hukabé sandérs muxbirlarni kütüwélish yighini ötküzüp, donald trampning 22-yanwardin 25-yanwarghiche chaqirilidighan dunya iqtisad munbirigha qatnishidighanliqini éytti.

bayanatchi sandérs amérika xezine ishliri ministiri stéwén mnuchin, tashqi ishlar ministiri mayk pompéyo, soda ministiri wilbur ros, emgek ishliri ministiri aléksandér akosta, qatnash ministiri éliyan chaw, ichki bixeterlik ministiri kirstjén niylsén, amérika soda wekili robért layzér, aqsaray meslihetchiliridin jaréd kushnér we iwanka tramp qatarliq yuqiri derijilik dölet emeldarliridin teshkil tapqan  heyetning pirézidént trampqa hemrah bolidighanliqini bildürdi.

hazirghiche bir qisim amérika pirézidéntliri qatnishshini ret qilip kéliwatqan dunya iqtisad munbirigha tramptin ilgiri 2000-yillarda pirézidént bolup wezipe ötigen bil klintonmu ishtirak qilghanidi.

2001-2009-yilliri arisida ötküzülgen dawos aliy rehberler yighinigha pirézidént jorj bush qatnashti, pirézidént barak obama 2009-2017-yilliri arisida heyetla ewetti.

her yili onlarche döletning rehberlirini, ammiwi teshkilatlarni, shirket xojayinlirini, akadémiklarni we zhurnalistlarni bir yerge jem qilip kéliwatqan dunya iqtisad munbirida, dunya iqtisadigha munasiwetlik mesililer we tereqqiyatlar xelqaraliq sewiyede kéngesh qilinidu.