shimaliy koréyelikler jenubiy koréyedin panahliq tilidi
shimaliy koréyelik nurghun kishi jenubiy koréyedin panahliq tilidi.
![shimaliy koréyelikler jenubiy koréyedin panahliq tilidi](http://cdn.trt.net.tr/images/xlarge/rectangle/01bf/cc0c/b3b8/5c18b1b8cfd04.jpg?time=1719039466)
türkiye awazi radiyosi xewiri: jenubiy koréye birleshme ministirliqi bu yil yanwardin noyabirghiche bolghan ariliqta mingdin artuq shimaliy koréyelikning jenubiy koréyedin panahliq tiligenlikini bildürdi.
«‹yonxap› xewer agéntliqi» ning jenubiy koréye birleshme ministirliqining melumatlirini menbe körsitip xewer qilishiche, bu yilning yanwar éyidin noyabir éyighiche bolghan ariliqta shimaliy koréyelik 1042 kishi jenubiy koréyedin panahliq tiligen bolup, bu, aldinqi yilning oxshash mezgildiki sewiyede bilen oxshash iken.
xewerde déyilishiche, bultur shimaliy koréyedin 1045 kishi jenubiy koréyedin panahliq tiligen, noyabir éyi étibari bilen jenubiy koréyede yashawatqan shimaliy koréyelik panahliq tiligüchilerning sani 32 ming 381 ge yetken bolup, shimaliy koréye rehbiri kim jongun wezipige olturghan 2012 – yildin buyan her yili texminen 1000 – 1500 shimaliy koréyelik jenubiy koréyedin panahliq tileydiken.