israiliyening pelestinliklerni sürgün qilishqa teyyarliniwatqanliqi bildürüldi

türkiye awazi radiyosi xewiri: israiliye ichki kabiniti qanun chiqirish komitéti, israiliye puqralirining ölümige seweb bolghan pelestinliklerning aile – tawabiatlirining gherbiy qirghaqtiki öyliridin chiqiriwétilishini mezmun qilghan qanun layihesini maqullidi.

yediot axronot gézitining xewer qilishiche, israiliye puqralirini öltürgen pelestinliklerning aililirining gherbiy qirghaqtiki öyliridin qoghlap chiqirilishini mezmun qilghan qanun layihesini maqullighan.

ashqun ongchil yehudiy öyi partiyesi parlamént ezasi moti yogéw teripidin sunulghan qanun layihesige qarighanda, bir yehudiyni ölümige seweb bolghan weqeni peyda qilghuchining birinchi derijidiki uruq – tughqanliri 7 kün ichide gherbiy qirghaqtiki öyliridin qoghlap chiqirilip, yene gherbiy qirghaqtiki bashqa bir yergen sürgün qilinidiken.

qanun layihesining tetbiqlinishi üchün israiliye hökümitidin kéyin parlaméntningmu maqulluqidin ötüshige toghra kélidu. gézitning xewirige qarighanda, hökümet edliye ishliri meslihetchisi awichai mandélblit, qanuniy asasqa ige emeslikini eskertip, layihege qarshi chiqqan.

mandélblit, munasiwetlik layihening xelqara qanungha zit ikenliki toghrisidiki doklatini hökümetning qanun chiqirish komitétigha buningdin ilgiri sunghanidi.

u, bir ailining yashawatqan öyidin qoghlap chiqirilishi üchün, u ailining jinayet bilen biwasite alaqisi bolushi kéreklikini ilgiri sürgen.