islam hemkarliq teshkilati awstiraliye bash ministirigha naraziliq bildürdi
islam hemkarliq teshkilati awstiraliye bash ministiri sikot morrisonning qoddusning gherbiy qismini israiliyening paytexti dep étirap qilsh qararini eyiblep, buning qanunsiz bir qedem ikenlikini bildürdi.
türkiye awazi radiyosi xewiri: islam hemkarliq teshkilati teripidin élan qilinghan yazma bayanatta, morrisonning quddus qararining birleshken döletler teshkilati qararlirini ayaq asti qilghanliq bolidighanliqi tekitlendi.
quddusning pütün xelqaraliq qanunluq qararlargha binaen 1967 – yili belgilengen chégra rayonida, israiliye teripidin ishghal qilinghan pelestin zéminining bir parchisi ikenliki we qanunluq salahiyitige chéqilishqa bolmaydighanliqi qeyt qilindi.
islam hemkarliq teshkilati awstiraliyeni xelqaraliq qararlargha hörmet qilishqa we quddus qararini qaytidin közdin kechürüshke chaqiriq qildi.
pelestin döletlik kéngishimu élan qilinghan yazma bayanatida, awstiraliyening qararini eyiblendi, buning pütünley inawetsiz we xelqara qanunlargha xilap bir qarar ikenlikini tekitlidi.
awstiraliye bash ministiri sikot morrison tünügün élan qilghan bayanatida, awstiraliye hökümitining quddusning gherbiy qismini israiliyening paytexti dep étirap qilish qarari maqullighanliqini jakarlighan idi.
morrrison awstiraliye hökümitining qudusning gherbiy qismini israiliyening paytexti dep qobul qilidighanliqini, biraq bash elchixanisini israiliye bilen pelestin otturisida tinchliq kélishimi tüzülmigenge qeder quddusqa yötkimeydighanliqini éytqan idi.
