hösni mubarek guwahchi bolush süpiti bilen sotta muhemmed mursining aldigha chiqalmidi

türkiye awazi radiyosi xewiri: guwahliq bérishi kütiliwatqan misirning aghduruwitilgen pirézidénti hösni mubarekning «turmilerge basturup kérish délosi» gha alaqidar sotta, misirning tunji qétim xelq teripidin saylanghan pirézidénti muhemmed mursining aldigha chiqalmighanliqi bildürüldi.

sot dairilirining bildürishiche, mubarek qahire jinayi ishlar sot mehkimiside tunugun ötküzülgen sotqa adwokati ferid eddibni yollap qoyush bilenla kupaye qilghan.

mubarekning adwokati ferid eddib sot heyitige mubarekning hazirmu misir hawa armiyeisining qomandani ikenlikini eskertip, «uning sotqa chaqirilishi üchün misir armiyesige sotning alaqidar qarari yazma halda yollinishi kérek idi» dégenlerni ilgiri sürgen. 

jenubiy qahire jinayi ishlar sot mehkimisi öktebir éyidiki sotta, muhemmed mursi qatarliq 28 gumandargha alaqidar sotning 2 - dékabirda mubarekning guwahchi bolup qatnishishi bilen ötküzülishi kéreklikige höküm qilghan idi. 

bu guwahliq jeryanida, 2011 – yilida wezipisidin élip tashlanghan hösni mubarekning sotta tunji qétim muhemmed mursi bilen yüzmu - yüz bir yerge kélishi kütülmekte bolup, biraq emelge ashmidi.

misir aliy sot mehkimisi 2016 – yili 15 – noyabirda «wadi natrun turmisi weqesi» depmu bilinidighan türmilerge bésip kirish délosigha alaqidar muhemmede murisige bérilgen ölüm jazasini ret qilghan we bu déloda sotqa tartilghan barliq gumandarlarning qaytidin sotqa tartilishi kéreklikige höküm qilghan idi.