astana yighini bashlandi
11-qétimliq süriye yighini qazaqistan paytexti astanada özara uchrishishlar bilen bashlandi.
türkiye awazi radiyosi xewiri: rusiye pirézidénti wladimir putinning süriye alahide wekili aléksandir lawréntyéw yighin bashlinishtin burun élan qilghan bayanatida, asasiy qanun komitétining, idlib weziyiti, köchmenlerning mesililiri we térrorizmgha zerbe bérish qatarliq témilarning muzakire qilidighanliqini bildürdi.
türmidikilerning qoyup bérilishi üchün qurulghan xizmet guruppisining bügün (28-noyabir) 6-qétimliq yighinini échishi, ötken hepte axiri emelge ashqan her tereptin 10 din kishi qoyup bérilgen layihege qarap chiqishimu kütülmekte.
öktichi menbelerdin élinghan melumatlargha asaslanghanda, waqitliq süriye hökümitining sabiq bashliqi ehmet tuma bashchiliqidiki öktichiler, rusiye we b d t bilen bolghan uchrishishlirida, yurt-makanliridin ayrilghanlarning yurt-makanigha qaytishi we döletning qaytidin qurulushi üchün muwapiq muhitning berpa bolmighanliqi, beshshar esed hakimiyitining dawamliq kishilerni tutqun qiliwatqanliqi qatarliq mesililerni alahide otturigha qoyidu.
rusiye burunqi yighinda bu ikki mesilini küntertipke qoyghan idi.
uchrishishlargha ishtirak qilghan kishilerdin élinghan uchurlargha asaslanghanda, türkiye heyiti öktichiler bilen körüshidighan bolup, rusiye we iran heyetliri bilenmu ayrim-ayrim körüshidiken.
kapaletchi döletler ete (29-noyabir) bashlinidighan asasiy yighindin burun, bügün (28-noyabir) üch terep bolup uchrashti.
