esed küchliri idlib ahaliler rayonlirigha hujum qilishni dawamlashturmaqta

türkiye awazi radiyosi xewiri: hakimiyet küchliri we uni qollighuchi chet ellik térrorchilar, «idlib jiddiychilikni azaytish rayoni» chégraliri ichidiki sochi kélishimining rohigha asasen éghir tipliq qorallardin xaliylashturulghan ahaliler rayonlirigha éghir tipliq qorallarni ishlitip hujum qilmaqta.

esed küchliri we qollighuchiliri, bügün kéche we seherde hamaning shimalidiki latamne, marekwe, ziyara we sirmaniye yézilirigha shundaqla laziqiyyediki türkmen téghigha zembirek ishlitip hujum qildi.

hujumlarda adem ölgen yaki yarilanghanliqi toghrisida hazirche héchqandaq uchur yoq.

türkiye bilen rusiye arisida 17 – séntebirde imzalanghan sochi kélishimidin buyan hakimiyetning hujumlirida jemiy 25 puqra hayatidin ayrildi, onlarche puqra yarilandi.

hakimiyet küchlirining hujumlirining dawamlishiwatqan bolushigha qarimay, herbiy öktichiler kélishimning rohigha asasen, 10 - öktebirde belgilengen rayonlardin éghir tipliq qorallirini chékindürgenidi.