fathullahchilar bilen alaqisi bar bir amérikiliq siyasetchi qamaq jazasigha höküm qilindi

türkiye awazi radiyosi xewiri: amérikida fethullahchi térrorluq teshkilati bilen yéqin munasiwiti bolghan téksasning sabiq awam palata ezasi stéw stokman chiriklik, aldamchiliq we baj oghrilash qatarliq 23 türlük jinayet bilen eyiblinip 10 yilliq qamaq jazasigha höküm qilindi.

téksas hawston sot mehkimisi, stokmanni keng dairilik chiriklik we aldamchiliq jinayiti sadir qilish we saylam jeryanida toplighan ianilerni xususiy ishlirigha serp qilish we saylam paaliyiti qerzlirini tölesh üchün ishlitish bilen eyiblidi.

stokmanning ikki yardemchisi mezkur jinayetlerge arilashqanliqlirini étirap qildi. amérika edliye ministirliqi bu heqte bayanat bérip, stokmanning pochta aldamchiliqi, fédératip saylam komitétigha xata melumat bérish, pul aqlash, saylam ianilirini xususiy ishlirigha serp qilish, xata baj bayannamisi bérish we yalghan sözlerni ishlitip xeyr-saxawet orunliridin pul toplash qatarliq köpligen jinayetler bilen eyiblinip qamaqqa höküm qilinghanliqini uqturdi.

yene bir tereptin, téksasning sabiq awam palata ezasi stéw stokman, wezipe ötewatqan mezgilide amérikidiki fethullahchi térrorluq teshkilati qurulmisi bilen yéqin munasiwet ornatqanliqi, teshkilatning téksastiki köpligen paaliyetlirige ishtirak qilip nutuqlarni sözligenliki qeyt qilindi.