rusiye awstriyege nota tapshurdi
rusiye dairiliri jasosluq bilen eyibligen awstriye hökümitige nota tapshurdi.
türkiye awazi radiyosi xewiri: rusiye hökümiti pinsiyege chiqqan awstriyelik bir eskerning moskowa hökümitige jasosluq qilghanliqi toghrisida bayanat bergen awstriye dairilirige nota tapshurdi.
rusiye tashqi ishlar ministirliqi bu heqte yazma bayanat élan qilip, awastriye dairilirining rusiye toghruluq bayanat bérishi seweblik awstriyening moskwadiki elchisining tashqi ishlar ministirliqigha chaqirtilghanliqini bildürdi.
awstriye dairilirining jasosluq weqesi toghruluq rusiye hökümiti bilen biwaste alaqe qilmastinla bayanat bérishining toghra emesliki alahide eskertilgen bayanatta munular bayan qilindi:"awstraliye hökümiti biz bilen biwaste alaqe qilishning ornigha, taratqu wastisi arqiliq xewer tarqitish wastisini tallaptu, ispat asas qilinmastin bayanat bérilishi ikki dölet munasiwetliri otturisida yirikchilik peyda bolushigha seweb boldi."
awstriye bash ministiri sébéstiyan kurz tünügün bayanat bérip, armiye spidin pinsiyege chiqqan bir oféstirning 90-yillarning béshidin buyan rusiye istixbarat idarisigha jasosluq qilip kéliwatqanliqini bildürgenidi.
awstriye edliye ministirliqi bu weqe üstide tekshürüsh élip bériliwatqanliqini uqturdi.
pinsiyege chiqqan awstriyelik eskerning körsetken xizmiti sewebidin rusiyedin 300 ming yawro inam alghanliqi ilgiri sürülmekte.
