amérikida ötküzülgen saylamda jumhuriyetchiler démokratlargha utturup qoydi

türkiye awazi radiyosi xewiri: amérika qoshma ishtatlirida saylighuchilar awam palatasidiki 435 orunduqning hemmisi, yuqiri palatadiki 100 orunduqtin 35 i belgilinidighan ara saylam üchün bélet tashlidi.

amérika taratqulirining xewer qilishiche, jumhuriyetchiler partiyesi yuqiri palatadiki 100 orunduqtin 50 orunduqqa érishken. amérika qoshma ishtatliridiki hakimiyet tüzülmisige asasen, muawin pirézidént mayk péns muawin yuqiri palata bashliqi dep qarilidighanliqi üchün, jumhuriyetchiler partiyesi üstünlükke érishken. awam palatasida bolsa démokratlar 195 orunduqqa, jumhuriyetchiler 181 orunduqqa érishken. hazirghiche élan qilinghan saylam netijilirige asaslanghanda, démokratlar jumhuriyetchilerdin 24 orunduqqa érishken.

kaliforniye ishtatidin awam palatasigha tekrar saylanghan awam palatasining bashliqi démokrat nansi pélosi bu heqte toxtalghanda, mundaq dédi: «bu démokratlar we jumhuriyetchiler mesilisi emes, eksiche, amérika qoshma ishtatlirida tramp hökümitige qarshi asasiy qanunni qaytidin ijra qilish mesilisidur.»

amérika qoshma ishtatliri pirézidénti donald trampmu pélosigha téléfon qilip, démokratlarning awam palatasidiki ghelibisini tebriklidi.

u, ammiwi ortaqlishish tor béti Twitter sehipiside bu heqte élan qilghan bayanatida, «bu nahayiti zor ghelibe» dédi. uning awam palatasida démokratlarning üstünlükke érishken bolushigha qarimay, saylam netijilirini «muweppeqiyet» dep atishi diqqet qozghidi.

bu ariliqta, michigan we minnésota ishtatlirida saylamlargha qatnashqan tégi pelestinlik rashide tleyb bilen tégi somaliliq ilhan ömer, saylamda ghelibe qilip, awam palatasigha kirgen tunji musulman ayal palata ezaliri bolup qaldi.