seudi erebistanda 45 neper shahzade we karxanichi hazirmu nazarette tutulmaqta

türkiye awazi radiyosi xewiri: amérikining washingiton pochta gézitide kéwin sulliwan we kerim fehim teripidin yézilghan maqilida, héch qandaq resmiy eyiblesh bolmastin hazirmu nazarette tutup turiliwatqan 47 yashliq seudi erebistan shahzadisi türkiy el feyselge keng orun ajritildi. 

maqalida, riyadtiki métro qurulushida chiriklik qilish bilen eyiblengenliki ilgiri sürülgen shahzade türkiy el feyselning yuqiri derijilik yardemchisi mayor général eli el kahtatnining nazarette tutulush jeryanida hayatidin ayrighanliqi we ölümige seweb bolghan amillarning bügünge qeder toluq menisi bilen izahlanmighanliqi eskertildi.

seudi erebistan bash mupettishining chiriklikke qarshi heriketliride yene, 106 milyard dollar nex pul, muqim mülükler, karxana, qimmetlik höjjet we wa bashqa mal – mülüklerni musadire qilghanliqi, jazalash tekshürüshi astidimu 56 kishini nazarette tutqanliqi bildürüldi.

maqalida, seudi erebistan text warisi muhemmed bin selmanning aldinqi ay «Bloomberg News» qanilida, «nazarette tutup turiliwatqan kishilerning sani sekkiz» dep bayanat bergenliki, emma weqe heqqide melumatqa ige bashqa kishilerning bolsa, eslide nazarette tutup turuliwatqan kishi sanining 45 ikenlikini we ularning hazirmu mexpiy tutuliwatqanliqini ilgiri sürgenliki qeyt qilindi.

maqalida, her qaysi médiya organlirining xewerliridimu chiriklik bilen eyiblengen bezi kishilerning riyadning jenubidiki bixerterlik tedbirliri eng yuqiri «el xeyr» türmiside, yene bezilirining xususiy öylerde tutup turuliwatqanliqi we éléktironluq ishkel taqash shert qilinghanliqi ilgiri sürülgenliki bildürüldi.