ittipaqdash küchliri türkiye qisimliri toghruluq bayanat élan qildi
amérika qoshma ishtatliri bashchiliqidiki ittipaqdash küchliri türkiye qisimlirining munbichta bixeterlik we muqimliqni qoghdashta muhim rol oynawatqanliqini bildürdi.
türkiye awazi radiyosi xewiri: amérika qoshma ishtatliri bashchiliqidiki daéshqa qarshi küresh ittipaqdash küchliri teripidin bu heqte élan qilinghan yazma bayanatta, munbichning bixeterliki we muqimliqining, térrorluq teshkilati daésh unsurlirini süriyening sherqiy qismidin tazilash we öy – makanliridin ayrilip qalghan puqralarning qaytishini ishqa ashurush jehettin nahayiti zor ehmiyetke ige ikenliki tekitlinip mundaq déyildi: « ittipaqdash küchliri bilen türkiye qisimlirining munbichta ishqa ashuruwatqan ortaq charlash élip bérish paaliyetliri, bixeterlik we muqimliq jehettin yerlik bixeterlik qurulmisini tamamlashqa imkaniyet yaritip bermekte. derweqe, ortaq charlash élip bérish paaliyetliri telim - terbiye we teyyarliq basquchidin kéyin ishqa kirishtürüldi. ortaq charlash élip bérish paaliyetlirige, belgilime boyiche we türkiye – amérika qoshma ishtatliri otturisida tüzülgen kélishimge asasen, bir quruqluq armiye qomandani qomandanliq qilidu. türkiye qisimliri munbichta bixeterlik we muqimliqni qoghdashta muhim rol oynawatidu.»
