pompéyo 29 - öktebir jumhuriyet bayrimi munasiwiti bilen tebrik télégrammisi tarqatti

türkiye awazi radiyosi xewiri: télégrammisida, «amérika qoshma ishtatliri hökümiti namidin türkiye jumhuriyiti qurulghanliqining 95 yilliqini qutlawatqan türk xelqini tebrikleymen» dégen ibarilerge orun bergen mayk pompéyo, «ikki dölet otturisidiki küchlük shérikchilik, puqralirimizning bixeterliki we bayashatliqi üchün nahayiti muhim bolup, erkinlik, bayashatliq, muqimliq we qanunning üstünlüki qatarliq muhim ortaq nishanlarni kücheytidu» dégenlerni qeyt qildi.

pompéyo, shimaliy atlantik ehdi teshkilati – nato ittipaqdishi bolghan ikki döletning dunya miqyasida tinchliq we bayashatliq yaritish yolida onlarche yildin buyan birlikte xizmet qilghanliqini eskertti we sözini dawamlashturup, «afghanistan we süriyediki xewpsizlik sahesidiki hemkarliqimiz küchlük we dawamlishiwatqan shérikchilikimiz, rayon xaraktérlik tehditlerge taqabil turush jehette achquchluq ehmiyetke ige» dédi.

u télégrammisini «(türk xelqi) bu künni tebriklewatqan mushundaq bir peytte bizmu ikki dölet arisidiki munasiwetni qaytidin tekitleymiz we ortaq qiziqish sahelirimizge we ötmüshimizning küchlük rishtilirige tayanghan halda kélechektiki hemkarliqlargha alaqidar xizmetlerning dairisini kéngeytishni töt köz bilen kütmektimiz» dégen ibariler bilen axirlashturdi.