köpligen döletler«jumhuriyet bayrimi» munasiwiti bilen erdoghangha tebrik télégrammisi yollidi

türkiye awazi radiyosi xewiri: rusiye pirézidénti wiladimir putin «<29 – öktebir> jumhuriyet bayrimi» munasiwiti bilen jumhur reis rejep tayyip erdoghangha tebrik télégrammisi yolidi.

kirémil sariyi teripidin bu heqte élan qilinghan yazma bayanatta eskertilishiche, rusiye pirézidénti wiladimir putin jumhur reis rejep tayyip erdoghangha yollighan tebrik télégrammisida, türkiye jumhuriyitining «<29 – öktebir> jumhuriyet bayrimi» qizghin tebrikleydighanliqini eskertken, türkiye jumhuriyiti élan qilinghan waqittin tartipla ikki dölet otturisida dostane, inaq qoshnidarchiliq munasiwetlirining asasi turghuzulghanliqini tekitligen. shuning bilen bir waqitta, moskwa – enqere otturisida barliq sahelerde tinchliqni chiqish nuqta qilghan halda zich hemkarliq ornitiliwatqanliqi, türkiye bilen rusiyening, hem ikki döletning, hem yawroasiya rayonining menpeetlirini qoghdash yolida rayonluq we xelqaraliq mesililerde paal hemkarliq ornitishni izchil dawamlashturidighanliqini qeyt qilghan.

ezerbeyjan pirézidénti ilham eliyéw, türkiyening «<29 – öktebir> jumhuriyet bayrimi» ni tebriklep jumhur reis rejep tayyip erdoghangha yollighan télégrammisida, türkiyening erdoghan rehberlikide ishqa ashurghan keng kölemlik islahatliri we mislisiz ul eslihe qurulushlirining nahayiti zor ehmiyetke ige ikenlikini eskertish bilen bir waqitta, türkiyening rayonida we pütkül dunyada yüz bériwatqan özgirishler aldida özining qetiy iradisini namayen qilip, insaniy peziletni chiqish nuqta qilghan halda aktip rol oynawatqanliqini, türkiye bilen ezerbeyjan otturisidiki dostluq we qérindashliq munasiwetlirining, her ikki döletning  alemshumul muweppeqiyetlerning qolgha keltürüshining asasliq amili ikenlikini tekitlep mundaq dédi: «qérindash dölet türkiye xelqige daimiy parawanliq, huzur – halawet we bext – saadet tileymen.»

özbékistan pirézidénti  «<29 – öktebir> jumhuriyet bayrimi» munasiwiti bilen erdoghangha tebrik télégrammisi yollidi

özbékistan pirézidénti shewket mirziyoyéw «<29 – öktebir> jumhuriyet bayrimi» munasiwiti bilen jumhur reis rejep tayyip erdoghangha tebrik télégrammisi yolidi.

mirziyoyéw ammiwi ortaqlishish tor béti Twitter sehipiside, türkiye jumhuriyiti qurulghanliqining 95 – yilliqi munasiwiti bilen  élan qilghan bayanatida, jumhur reis rejep tayyip erdoghan we türkiye xelqini tebriklep mundaq dédi: «bu munasiwet bilen eziz türkiye xelqi we jumhur reis rejep tayyip erdoghanni qizghin teribleymen.»

seudi erebistan padishahi selman bin abduleziz bilen text warisi shahzade muhemmed bin selman, türkiye jumhuriyitining «<29 – öktebir> jumhuriyet bayrimi» munasiwiti bilen,  jumhur reis rejep tayyip erdoghangha ayrim – ayrim tebrik télégrammisi yollidi.

pakistan pirézidénti arif alwi we bash ministiri imran xan, behreyn padishahi hemed bin isa elxelipe bilen bash weziri xelipe bin selman elxelipe qatarliq rehberlermu, ayrim – ayrim halda jumhur reis rejep tayyip erdoghangha tebrik télégrammisi yollidi.