amérikada dangliq kishilerge gumanliq bolaqlar ewetilmekte

türkiye awazi radiyosi xewiri: amérikada mushu bir hepte ichide démokrat partiyesining muhim kishiliri we s n n téléwiziyesige ewetilgen gumanliq bolaqlargha oxshash, sabiq muawin pirézidént jo bayidinghimu ewetildi.

saqchi xadimliri jo baydingha ewetilgen bolaqlardin birining washington, yene birining niyu kastildiki pochtixanilardin bayqalghanliqini élan qildi.

jo baydinning öyige ewetilgen bolaqlarning, amérika sabiq pirézidéntliridin barak obama we bil klintonning öyi bilen, s n n ning niyu yorktiki ishxanisini öz ichige alghan nurghun jaylargha ewetilgen we ichide partlighuchi madda bar bolaqlargha chétishliq yaki chétishliq emeslikining tekshürülüwatqanliqi qeyt qilinmaqta.

pirézidént donald tramp twittérda bu heqte hembehirligen uchurida: «bügün jemiyitimizde körülüwatqan ghezepning zor qismigha, men <saxta xewerler> dégen chong médyaning qestenlik bilen tarqatqan xata xewerliri seweb boldi. bu ghezep, shunchilik nepretke tolghan halgha keldiki, buni chüshendürüsh mumkin emes. chong médya derhal xataliqini tüzitishi kérek» dédi.

mushu heptining béshida, esli wéngiriyelik milyardér jorj sorosning niyu yorktiki öyige ewetilgen bolaqta partlighuchi madda bayqalghan idi.

bildürülishiche, tünügün (25-öktebir) etigen aktiyor robért dé nironing niyu yorktiki réstoranigha gumanliq bir bolaq ewetilgen.