yawropa parlaménti: qashiqchining bolghusi ayali bizge iltimas sundi
yawropa parlaméntining bashliqi antonio tajani öltürülgen seudi erebistanliq zhurnalist jamal qashiqchining bolghusi ayalining weqening tepsiliy tekshürülüshi toghruluq özlirige iltimas sunghanliqini bildürdi.
türkiye awazi radiyosi xewiri: tajani ammiwi ortaqlishish tor béti Twitter sehipiside, bu heqte élan qilghan bayanatida, öltürülgen seudi erebistanliq zhurnalist jamal qashiqchining bolghusi ayali xetiche chinggizning, weqening tepsiliy tekshürülüshi toghruluq yawropa parlaméntigha iltimas sunghanliqini tekitlep mundaq dédi: «peqet jinayet sadir qilghuchilarningla emes, jinayet sadir qilishqa buyruq chüshürgenlerningmu sotqa tartilishi üchün weqening tepsiliy we musteqil halda tekshürülüshini telep qilimiz.»
firansiyening strasburg shehiride chaqirilghan yawropa parlaménti omumiy kéngesh yighinida, seudi erebistanliq zhurnalist jamal qashiqchining öltürülüsh weqesi heqqide muzakire élip bérilghanidi.
seudi erebistanliq islahatchilargha nisbeten muhim munber hésablinidighan «‹weten› géziti» ge muhim töhpilerni qoshqan hemde gherb taratqulirida ottura sherq rayonigha munasiwetlik xewerliri bilen tonulghan jamal qashiqchi, 2 – öktebir küni resmiyetlirini béjirish üchün seudi erebistanning istanbuldiki bash konsulxanisigha kirgendin kéyin iz - déreksiz yoqap ketkenidi.
seudi erebistan hökümiti 2 - öktebir küni istanbul bash konsulxanisigha kirgendin kéyin iz - déreksiz yoqap ketken seudi erebistanliq zhurnalist jamal qashiqchining «konsulxana binasida yüz bergen patparaqchiliq netijiside ölgenlikini» étirap qildi.
