nato rusiyeni eyiblidi
nato (shimaliy atlantik ehdi teshkilati) bash katipi stolténbérg amérikaning ottura musapiliq yadro qoralliri kélishimidin chékinish qararini élan qilishidin kéyin, rusiyeni eyiblidi.
türkiye awazi radiyosi xewiri: nato bash katipi stolténbérg bélgiye paytexti biryusséldiki merkizide axbarat élan qilish yighini ötküzdi.
u: «ittipaqdashlarning hemmisi ottura musapiliq yadro kélishimi nahayiti muhim we amérikani mezkur kélishimning barliq shertlirige boysundi dep qaraydu. ular bu jehette oxshash pikirge ige. rusiyening kélishimge bolghan muamilisidin qattiq endishe qilimiz. buningdiki mesile, yillardin buyan kélishimge xilapliq qilghan rusiyening muamilisidur. mezku mesile nato dölet mudapie ministirliri yighini we washington ziyaritimdimu küntertipke keldi» dédi.
u mundaq dédi:
«yéngi soghuq urushni we qorallinish riqabitini xalimaymiz.»
amérika pirézidénti donald tramp rusiye bilen amérika otturisida imzalanghan ottura musapiliq yadro kélishimi toghrisida toxtalghanda: «biz kélishimge emel qilghan terep bolduq we kélishimge hörmet qilduq. biraq, nahayiti epsuski rusiye kélishimge hörmet qilmidi. bu sewebtin kélishimni bikar qilip, chékinip chiqimiz» dégen idi.
1987-yili amérika -rusiye otturisida yawropa we yiraq sherqtiki ittipaqdashlirini qoghdashni meqset qilghan ottura musapiliq yadro qoralliri kélishimi imzalanghan idi.
kélishim boyiche, rusiye bilen amérikaning yétip bérish musapisi 300 mildin 3400 milghiche bolghan quruqluqtin qoyup bérilidighan bashqurulidighan bombini sétiwélishi, yasishi yaki sinaq qilishi cheklinidu.
